Oq mo'ynasida qora-jigarrang chiziqlari bo'lgan ko'k ko'zli yo'lbars yovvoyi hayvonlar orasida juda kam uchraydi
Toshkent hayvonot bog'ining xabar berishicha, "Wildlife care" kompaniyasi tomonidan BAA pitomnigidan olib kelingan 10 oylik oq yo‘lbars - Fufunya o‘z volyeriga ko‘chib o‘tadi.
Oq yo‘lbars — leutsistizm deb ataladigan tug‘ma mutatsiyaga ega bo‘lgan Bengal yo‘lbarsi. Oq mo‘ynasida qora-jigarrang chiziqlari bo‘lgan ko‘k ko‘zli yo‘lbars yovvoyi hayvonlar orasida juda kam uchraydi va uning omon qolishi ham mushkul masala, negaki u ovchilar ko‘ziga olovdek ko‘rinadi va boshqa hayvonlarning o‘ljasiga ham aylanadi.
Hayvonot bog‘larida oq yo‘lbarslar qulayroq va xavfsizroq muhitda yashaydi. Zero, hayvonot bog‘larida bu ojiz hayvonlarni parvarishlash uchun barcha sharoit yaratiladi.