Toshkent xalqaro aeroportida yo‘lovchilar Cartier va Hublot qo‘l soatlarini yashirincha olib o‘tishga urindi
Pekindan qaytgan yo‘lovchi qiymati 145 mln so‘mlik, Dubaydan qaytgan yo‘lovchi esa 60 mln so‘mlik qimmatbaho soatni “yashil” yo‘lak orqali olib o‘tishga uringan. Oqibatda yo‘lovchilar “Toshkent xalqaro aeroporti” chegara-bojxona posti xodimlari tomonidan to‘xtatib qolingan.
Maʼlumot o‘rnida, har ikkala holatda ham soatlar jismoniy shaxslar tomonidan tovarlarni bojsiz olib kirish meʼyoridan ortiqcha bo‘lgan.
Bundan tashqari, “Istanbul-Toshkent” reysi bo‘yicha parvozini yakunlagan yo‘lovchi esa ruxsat etilgan 65 gr og‘irlikdagi zargarlik buyumlaridan tashqari yana 40 gr tilla taqinchoqlarni olib kirishga uringan vaqtida ushlangan.
Aniqlanishicha, yo‘lovchi ushbu qiymati 50 mln so‘mlik zargarlik buyumlarini cho‘ntagiga yashirgan.
Eslatib o‘tamiz, jismoniy shaxslarga shaxsiy ehtiyoj uchun 65 gr gacha og‘irlikdagi zargarlik buyumlarini bojsiz olib kirishga ruxsat etiladi.
"Ammo, bu tovarlarni bojsiz olib kirishning umumiy meʼyorlari doirasida bo‘lishi kerak",- deyiladi xabarda.
.png "YouTube UZREPORT TV")
