Dam olish kunlari ba'zi joylarda yomg‘ir yog‘ishi kutilmoqda
O'zgidromet dam olish kunlari O'zbekiston bo'ylab qanday ob-havo kutilayotgani haqida ma'lumot berdi
Joriy yilning 20 sentyabr kuni O‘zbekiston hududi bo‘yicha, janubiy viloyatlardan tashqari, bulutlilik kuchayishi va kunduzgi harorat 2-3 darajaga pasayishi kutilmoqda. Qisqa muddatli yomg‘ir faqat Namangan va Farg‘ona viloyatlari tog‘li hududlarining ba’zi joylarida yog‘ishi mumkin.
Respublikaning cho‘l zonasida va tog‘li hududlarida 20 sentyabr kuni shamol tezligi 13-18 m/s gacha kuchayishi, ayrim joylarda chang-to‘zonlar bilan kuzatilishi mumkin.
Toshkentda havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Harorat kechalari 18-20 daraja, kunduzi 19 sentyabrda 32-34 daraja, 20 sentyabrda 30-32 daraja bo‘ladi. Shamol sharqdan 3-8 m/s tezlikda esadi.
.png "YouTube UZREPORT TV")
