Toshkentda 4 ta yuk mashina va 8 ta avtomobil ishtirokida YTH sodir bo'ldi
Toshkent shahar Yunusobod tumani KXAY - Sharof Rashidov ko'chalari kesishgan chorrahasida YTH sodir bo‘ldi. Holat yuzasidan shahar IIBB Yo'l harakati xavsizligi boshqarmasi rasmiy ma’lumot berdi.
Qayd etilishicha, hodisa 2023-yil 27-aprel kuni soat 13:40 larda yuz bergan. Bunda Kamaz, Isuzu, Howo, Zil rusumli yuk avtomashinalari hamda Lacetti, Tracker 2, Nexia 3, Epica, 2 ta Cobalt, 2 ta Spark avtomashinalari ishtirokida yo'l transport hodisasi sodir bo'lgan.
Dastlabki ma'lumotlarga ko'ra YTH sababi Kamaz rusumli avtoulov haydovchisi chorrahaga yaqinlashayotgan vaqtda, tormoz tizimida nosozlik yuzaga kelgan.
Yo‘l transport hodisasi natijasida Cobalt rusumli avtomashina yo'lovchisi tan jarohat olib shifoxonaga olib borilib birinchi yordam ko'rsatilgan.
Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
IIBB YHXB barcha haydovchilardan boshqaruvlarida bo'lgan, transport vositalarining texnik holatini o'z vaqtida nazorat qilishlarini so‘raydi.
.jpg "X factor uzbekistan")
.png "YouTube UZREPORT TV")
