Toshkentdan Al-Ayn shahriga muntazam reys yo‘lga qo‘yildi
Joriy yilning 22-sentyabr kuni “Airbus A321” samolyoti Toshkentdan Al-Ayn shahriga ilk parvozni amalga oshirdi.
Aytish joizki, Al-Ayn Birlashgan Arab Amirliklarining to‘rtinchi yirik shahri hisoblanadi. Shahar muhim madaniy markaz bo‘lib, mamlakat tarixida alohida rol o‘ynaydi.
“Air Samarkand” kompaniyasining “Airbus A321” samolyoti yuqori darajadagi qulaylikni taʼminlaydigan 12 ta keng biznes-klass va 182 ekonom klass o‘rindiqqa ega.
–Biz parvoz xaritamizda yana bir yo‘nalish va yangi mamlakat paydo bo‘lganidan xursandmiz. Ishonchim komilki, ushbu yo‘nalish sayyohlar uchun manzur bo‘ladi, – dedi kompaniya bosh direktori Zafar Abdullayev.
Kompaniya axborot xizmatining xabar qilishicha, parvozlarning dastlabki bosqichida reyslar haftada bir marta – yakshanba kunlari amalga oshiriladi.
.png "YouTube UZREPORT TV")
