Ukrainalik bolalar dam olish va reabilitatsiya uchun O‘zbekistonga yetib keldi
Ukrainadan dam olish va reabilitatsiya uchun 45 bola va 5 nafar hamrohlik qiluvchi guruh O‘zbekistonga yetib keldi. Bu haqda mamlakatning Toshkentdagi elchisi Nikolay Doroshenko ma’lum qildi.
Qayd etilishicha, Xarkov, Xerson, Nikolayev, Zaporojye, Sumi, Xmelniskiy, Lvov va Kiyevdan kelgan bolalar 12 kun davomida Anor tog‘ oromgohida dam oladi.
"Milliy an’analar asosidagi qabul ta’sirli va samimiy tarzda o‘tdi", — deb yozdi Ukraina diplomatik missiyasi rahbari bolalar oromgohda qanday kutib olingani aks etgan suratlarni joylashtirgan holda.
"Ukraina elchixonasining bolalarga psixologik muvozanatni tiklash, Ukraina shaharlariga har kuni amalga oshirilayotgan havo trevogalari va raketa hujumlarini unutishga yordam berish haqidagi murojaatiga mehr bilan javob bergan O‘zbekiston biznes va jamoat tashkilotlari vakillariga katta rahmat", — deya qo‘shimcha qildi elchi.
.png "YouTube UZREPORT TV")
