Huawei 1
UzAuto Motors Cobalt mexanik uzatmali avtomobili sotuvdan olingani to‘g‘risidagi xabarlarni rad etdi

Autostrada.uz saytida UzAuto Motors kompaniyasi Chevrolet Cobalt mexanik uzatmali avtomobilini sotuvdan olganligi to'g'risida xabar e'lon qilindi. Holat yuzasidan "UzAuto Motors" kompaniyasi rasmiy munosabat bildirdi.

Qayd etilishicha, kompaniya ushbu xabar haqiqatga to'g'ri kelmasligi, feyk xabar ekanligini ma'lum qildi.

"Ta'kidlash joizki, "UzAuto Motors" Chevrolet Cobalt MT avtomobili ishlab chiqarishdan olinganligi haqida rasmiy xabar bermagan. Kompaniya media sohasi vakillari va blogerlardan tasdiqlanmagan va haqiqatga to'g'ri kelmaydigan axborotlarni tarqatmasliklarini so'raydi.

Eslatib o'tamiz, O'zbekiston qonunchiligiga ko'ra OAV, telekommunikatsiya tarmoqlari va Internet orqali yolg'on ma'lumot tarqatganlik uchun ma'muriy javobgarlik belgilangan.

Kompaniya faoliyatiga oid barcha o'zgarishlar UzAuto Motors rasmiy kanallarida yoritib boriladi", deyiladi xabarda.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 112019 | Инструменты