UzAuto Motors Cobalt uchun kontraktatsiyani ochmoqda
“UzAuto Motors” “Chevrolet Cobalt” avtomobili uchun kontraktatsiyani ochmoqda. Bu haqda kompaniya matbuot xizmati xabar berdi.
Shartnoma berish jarayoni 22-noyabr kuni soat 10:00da boshlanib, xaridorlar “GX-Style AT Plus” va “GX-Midnight AT” uchun shartnoma tuzishlari mumkin bo‘ladi.
Hozirda “GX-Style AT Plus” narxi 147 916 000 so‘mni, “GX-Midnight AT” versiyasi esa 155 231 000 so‘mni tashkil etadi.
Shartnomalarni savdo.uzavtosanoat.uz sayti orqali tuzish mumkin. “Telegram"-bot hamda “UzAvtosavdo” ilovasi navbatni kuzatish xizmatini hamda mavjud avtomobillar haqida ma’lumotni taqdim etadi.
Avtomobil ishlab chiqaruvchisi tuzilgan shartnomalar bo‘yicha to‘lov 7 kun ichida amalga oshirilishi kerakligini qayd etmoqda. Savollar yuzasidan kompaniyaning +998 78−141−7777 raqami orqali ma’lumot olish mumkin.
.jpg "X factor uzbekistan")
.png "YouTube UZREPORT TV")
