21-noyabr kuni O‘zbekistonda sodir bo‘lgan muhim voqealar dayjesti

O‘zbekiston-Qozog‘iston Qurolli Kuchlari hamkorligida tashkil etilgan maxsus-taktik mashg‘ulotlari yakunlandi

Markaziy harbiy okrugining “Forish” tog‘ poligonida O‘zbekiston-Qozog‘iston Qurolli Kuchlari bo‘linmalari hamkorligida tashkil etilgan navbatdagi “Hanjar-2024” maxsus-taktik o‘quv mashg‘ulotlari yakunlandi.

Toshkent metrosida hojatxona quriladigan 9 ta bekat nomi maʼlum bo‘ldi

Poytaxt metropoliteniga ko‘ra, hozirgi vaqtda 4 ta — "Buyuk ipak yo‘li", "Amir Temur xiyoboni", “Paxtakor” va “Beruniy” metro bekatlarida hojatxonalar qurilishining 1-bosqichi boshlangan.

Raqobat qo‘mitasi biologik faol qo‘shimchalarning noto‘g‘ri reklamasi bo‘yicha ogohlantirmoqda

Qayd etilishicha, joriy yilda BFQlar bo‘yicha 1 mingga yaqin murojaatlar ko‘rib chiqilib, iste’molchilarning 118 mln so‘m moddiy zararlari qoplab berildi.

Sirdaryoda ayolini do‘pposlab, sochini qirib tashlagan erkak qamaldi

Unga nisbatan 2 yil 6 oy muddatga ozodlikdan mahrum qilish jazosi tayinlandi.

2024-yilda 30 mingdan ortiq o‘zbekistonliklar tuhmat va haqorat qilgani uchun sudlandi

10 oy davomida 2,4 ming kishi tuhmat qilgani uchun ayblangan bo‘lsa, 27,9 ming kishi boshqalarni haqorat qilgani uchun sudlangan.

Qirg‘izistonning Elkart to‘lov tizimi Uzcard bilan integratsiya qilinadi

Qirg‘izistonning “Elkart” milliy to‘lov tizimi O‘zbekistonning “Uzcard” kartasi bilan integratsiyaga tayyorlanmoqda.

Toshkent viloyatida homilador ayol shifoxonada vafot etdi

Holat yuzasidan Sog'liqni saqlash vazirligi rasmiy munosabat bildirib, holat sabablarini ochiqladi.

Akmal Saidov Shavkat Mirziyoyevga: “Yangi O‘zbekiston parlamentining meʼmori kim deyishsa, sizni aytardim”

“Yaqindagina chop etilgan sizning ikkinchi fundamental kitobingiz – “Hozirgi zamonaviy O‘zbekiston” kitobida parlamentga oid g‘oyalarning qaymog‘ini ko‘rdim, desam mubolag‘a bo‘lmaydi. Sizning butun faoliyatingizda parlament har doim diqqat markazida turgan", dedi Qonunchilik palatasining ilk yig‘ilishida nutq so‘zlagan deputat Akmal Saidov davlat rahbariga qarata.

Farg‘onada sodir bo‘lgan YTHda voyaga yetmagan qiz halok bo‘ldi

Haydovchi 3 yil avtomobil boshqarish huquqidan mahrum etildi va 6 yilga ozodlikdan mahrum qilindi.

Toshkentdagi Lotte hamda International mehmonxonalari sotildi

Davlat aktivlarini boshqarish agentligi matbuot xizmati “Lotte City Hotel Tashkent Palace” hamda “International” mehmonxonalarini xususiylashtirish bo‘yicha kelishuvga erishilganini ma’lum qildi.

“Umra” ziyoratini tashkil qilish uchun 12 ta tur firmaga litsenziya berildi (ro'yxat)

Litsenziyada ko‘rsatilmagan manzil bo‘yicha “Umra” tadbirlarini tashkil etish va o‘tkazish faoliyati bilan shug‘ullanish taqiqlanadi.

Ulug‘bek Lapasov O‘zbekistonning Kubadagi elchisi etib tayinlandi

U Kuba prezidenti Migel Mario Dias-Kanel Bermudesga ishonch yorliqlarini topshirdi.