Bahodir Jalolov Devid Spilmontga qarshi jang o‘tkazishi mumkin
Superog‘ir vazn toifasidagi bokschimiz Bahodir Jalolovning navbatdagi jangi bo‘yicha tafsilotlar paydo bo‘ldi.
Unga ko‘ra, charm qo‘lqop ustamiz 2025 yilning 6 fevral kuni Kanadaning Monreal shahrida tashkil etiladigan prof boks oqshomi doirasida ringga qaytadi. Jalolovga o‘sha kuni fransiyalik Devid Spilmont raqiblik qilishi mumkin. Hozircha bu xabar rasman tasdig‘ini topmadi.
Maʼlumot uchun, Bahodir Jalolov prof faoliyati davomida hozirga qadar 14 ta jang o‘tkazib, ularning barchasida g‘alaba qozongan. So‘nggi jangini 2023 yil 17 noyabr kuni JAR vakili Kris Tompsonga qarshi o‘tkazib, ilk raunddayoq nokaut orqali zafar quchgandi.
Uning ehtimoliy raqibi Devid Spilmont esa shu kungacha 27 ta jang o‘tkazib, 16 g‘alaba, 8 mag‘lubiyat va 1 ta durang qayd etgan. G‘alabalarining 11 tasini nokaut orqali qo‘lga kiritgan.
.jpg "X factor uzbekistan")
.png "YouTube UZREPORT TV")
