FIDE prezidenti Magnus Karlsen bilan bog'liq vaziyat yuzasidan munosabat bildirdi

Blits shaxmat bo‘yicha jahon chempionati oltin medali Magnus Karlsen va Ian Nepomniachtchi o‘rtasida taqsimlanishi ortidan Karlsen atrofida qizg‘in bahs-munozaralar boshlandi. Qaror kutilayotgan paytda Karlsen raqibiga agar ularning istagi amalga oshmasa, faqat takroriy duranglar o‘ynash mumkinligini aytdi.

Magnus Karlsen esa o‘zini himoya qilib, chorshanba kuni X ijtimoiy tarmog‘ida bu gap faqat yomon hazil bo‘lganini ta’kidladi.

Shu sababli, xalqaro shaxmat federatsiyasi (FIDE) bu masalani ko‘rib chiqishga qaror qildi.

"Bu holat FIDE rahbariyati tomonidan muhokama qilinmoqda, ammo kecha Magnusning X tarmog‘ida yozgan tviti vaziyatni tushuntirishga yordam berdi" – dedi FIDE prezidenti Arkadiy Dvorkovich NRKga.

Dvorkovich bu borada o‘zining shaxsiy fikrini bildirdi, ammo masala FIDE tomonidan jamoaviy ko‘rib chiqilib, yakuniy qaror qabul qilinadi.

"Shaxsan men jazolash tarafdori emasman" – deydi u.

Oltin medalni Karlsen va Nepomniachtchiga berish qarorini aynan Dvorkovichning o‘zi qabul qilgan.

– Men butun faoliyatim davomida hech qachon oldindan durangga kelishmaganman. Videoda Ian bilan hazillashayotganim aniq, bunda aniq qoidalarning yo‘qligi vaziyatni oydinlashtiradi. Bu FIDEga ta’sir ko‘rsatish uchun urinish emas
, – deb yozdi Karlsen X tarmog‘ida.

FIDE prezidenti o‘z pozitsiyasini quyidagi uchta asos bilan izohlaydi:

Qoidalarda Armageddon kabi hal qiluvchi qayta o‘ynash qoidasi yo‘q, bu esa musobaqa davomiyligini oldindan aytib bo‘lmaydigan qiladi (bu kelgusi reglamentlar uchun muhokama qilinishi kerak).

Ikkala o‘yinchi ham ushbu natijani qabul qilishga tayyor edi va Yangi yil kechasi bor energiyalarini sarflab bo'lishgandi (ular buni menga telefon orqali va yozma tarzda tasdiqladi).

Ketma-ket qisqa duranglarning ehtimoli juda yuqori edi (men buni video chiqishidan ancha oldin taxmin qilgandim.