UFC-280: Maxachevning vazni raqibiniki bilan teng, Muradov o‘z o‘rnida, Zubayraning jangi bekor qilindi

Birlashgan Arab Amirliklarining Abu-Dabi shahrida ertaga, 22-oktabr kuni UFC-280 musobaqasi bo‘lib o‘tadi. UFC 280 yangiliklarini UZREPORTda kuzatishingiz mumkin.

Mazkur musobaqaning asosiy jangi yengil vazn toifasida vakant bo‘lib turgan chempionlik kamari uchun kechadi. Charlz Oliveyra (33 g‘alaba, 8 mag‘lubiyat) va Islom Maxachev (22 g‘alaba, 1 mag‘lubiyat) ushbu titul uchun jang qiladi.

O‘zbekistonlik yakkakurashchi Mahmud Murodov (25 g‘alaba, 7 mag‘lubiyat) mazkur musobaqada Braziliya vakili Borralyoga (12 g‘alaba, 1 mag‘lubiyat) qarshi oktagonga ko‘tariladi. Sportchilar jangdan oldin tarozidan o‘tdi. Murodov va uning raqibi vazn me’yorini bajardi. Asosiy jang vakillari ham me’yorga yaqin natija qayd etgan.

Asosiy kard bilan tanishing:

Charlz Oliveyra (70,08 kg) — Islom Maxachev (70,08 kg)

Aljemeyn Sterling (61,23 kg) — TiJey Dillashou (61,23 kg)

Pyotr Yan (61,68 kg) — Shon O‘Melli (61,46 kg)

Beneil Dariush (70,76 kg) — Mateush Gamrot (70,76 kg)

Ketlin Chukagyan (57,83 kg) — Manon Firo (56,92 kg).

Prelim kard bilan tanishing:

Bilol Muhammad (77,11 kg) — Shon Bredi (77,56 kg)

Mahmud Murodov (83,91 kg) — Kayo Borralyo (84,36 kg)

Volkan O‘zdemir (93,44 kg) — Nikita Krilov (93,44 kg)

Abubakar Nurmagomedov (77,33 kg) — Gaji Umargajiyev (77,56 kg)

Armen Petrosyan (84,36 kg) — EyJey Dobson (83,91 kg)

Muhammad Mokayev (57,15 kg) — Malkolm Gordon (57,15 kg)

Kerol Rosa (61,23 kg) — Lina Lansberg (61,23 kg).

Shuningdek, Prelim kardda jang qilishi rejalashtirilgan Zubayra Tuxugov vazn qila olmagan va uning Lukas Almeydaga qarshi jang bekor qilingan.

Ma’lumot uchun, musobaqa 22-oktabr kuni O‘zbekiston vaqti bilan 19:00 da boshlanadi.

UFC 280 yangiliklarini UZREPORTda kuzatishingiz mumkin.