Alyaskada bedarak yo‘qolgan samolyot bortidagi 10 kishining barchasi halok bo‘ldi
Ushbu halokat so‘nggi 25 yil ichidagi eng dahshatli halokatlardan biri hisoblanadi.
Bir kun avval Alyaskada g‘oyib bo‘lgan Bering Air samolyoti Nome shahriga ketayotganda halokatga uchragan. Qutqaruvchilar uning qoldiqlarini topishdi. Samolyotda bo‘lgan 10 kishining barchasi halok bo‘lgan, deya xabar beradi AP rasmiylarga tayanib.
Radiolokatsion ekspertiza ma’lumotlariga ko‘ra, samolyotda "tezda balandlikka ko'tarilish va tezlik yo‘qotilishiga olib kelgan hodisa" ro‘y bergan. So‘nggi paytlarda samolyotdan hech qanday falokat signali kelmagan.
Ta’kidlanishicha, bu reys oddiy ishga ketayotgan odamlarni tashish uchun tashkil etilgan edi. Samolyotda faqat kattalar bo‘lgan. Alyaskada, keng hudud va cheklangan infratuzilma tufayli havo qatnovi asosiy transport vositasi sifatida ishlatiladi. Ushbu halokat so‘nggi 25 yil ichidagi eng dahshatli halokatlardan biri hisoblanadi.
Samolyotning yo‘qolganligi haqida 7-fevral kuni xabar berilgan edi. U uchishdan taxminan 40 daqiqa o‘tgach, Norn-Saund ko‘rfazining ustida uchayotganda aloqaning uzilgani ma’lum bo‘ldi. Bortda 9 yo‘lovchi va 1 nafar uchuvchi bo‘lgan.
.jpg "X factor uzbekistan")
.png "YouTube UZREPORT TV")
