AQSh Isroilga qurol yetkazib berishni qisman tikladi

Qo'shma Shtatlar yaqinda Isroilga prezident Jo Bayden ma'muriyati tomonidan to'xtatilgan qurol-yarog' yetkazib berishni boshlaydi, deb yozmoqda The Wall Street Journal.

Nashrning yozishicha, Isroilga yuboriladigan qurollar orasida 500 funtlik bombalar ham bor. Gazetaning yozishicha, bombalar “jo‘natish jarayonida” va yaqin haftalarda Isroilga yetib boradi.

O‘z navbatida, Times of Israel gazetasi amerikalik amaldorga tayanib, Bayden ma’muriyati may oyidan beri Isroilga yetkazib berishdan to‘xtatib qolgan og‘ir bombalar jo‘natmasining qariyb yarmini o‘tkazganini xabar qilmoqda.

Aniqlik kiritilishicha, gap 500 funtli bombalar haqida ketmoqda. Shu bilan birga, 2 ming funtlik bomba yetkazib berish hali ham muzlatilgan.

"Bizning asosiy tashvishimiz Rafah va G'azoning boshqa joylarida 2000 funtlik bombalardan foydalanish ehtimoli bo'lganligi sababli, 500 funtli bombalar oddiy jarayonning bir qismi sifatida tayyorlanmoqda", dedi AQSh rasmiysi nashrga.

May oyida AQSh prezidenti Isroil Rafahda harbiy operatsiya boshlasa, ayrim turdagi qurol-yarog‘larni o‘tkazishni to‘xtatishini aytgan edi. Shu bilan birga, Amerika prezidenti Qo'shma Shtatlar har qanday holatda ham Isroil havo hujumidan mudofaa tizimi uchun zarur bo'lgan barcha narsalarni yetkazib berishda davom etishiga va'da berdi.

O‘z navbatida, Pentagon rahbari Lloyd Ostin Qo‘shma Shtatlar Isroilga o‘q-dorilar yetkazib berishni to‘xtatganini aytdi. AQSh Mudofaa vazirligi matbuot kotibi Patrik Rayderning aniqlik kiritishicha, bu qaror Rafahdagi vaziyat bilan bog‘liq.

“Biz qurol-yarog‘ yetkazib berishni to‘xtatdik, jumladan, 908 kg og‘irlikdagi 1800 ta bomba, shuningdek, taxminan 226 kg og‘irlikdagi 1,7 ming bomba”, — dedi Rayder.

2023-yil 7-oktyabrda HAMAS Isroilga hujum qildi. Bunga javoban Isroil G‘azo sektorida HAMASga qarshi harbiy operatsiya boshladi. Shu fonda Livanda joylashgan Hizbulloh jangarilari va Isroil harbiylari chegaradagi bir-birlarining pozitsiyalariga o‘q uzmoqda. So'nggi paytlarda Isroil rasmiylari Livandan Isroil hududini o'qqa tutishni kuchaytirgan Hizbulloh bilan kattaroq to'qnashuv kutilayotganidan tobora ko'proq ogohlantirmoqda.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 72000 | Инструменты