AQSh Somalidagi IShID jangarilariga zarba berdi
Amaliyot natijasida “Islomiy davlat”ning ko‘plab jangarilari o‘ldirildi, biroq Somali fuqarolaridan hech kim jabrlanmadi, dedi AQSh Mudofaa vaziri Xegset.
1-fevral, shanba kuni AQShning Afrikadagi qo‘mondonligi Somalidagi “Islomiy davlat” (ID) terrorchilik guruhi jangarilari joylashgani gumon qilingan hududga havodan zarba berdi. Operatsiya ushbu Sharqiy Afrika davlati hukumati bilan muvofiqlashtirilgan, deya tushuntirdi AQSh Mudofaa vaziri Piter Xegset.
Pentagonning dastlabki bahosiga ko‘ra, havo hujumlari natijasida ko‘plab jangarilar halok bo‘lgan, tinch aholi vakillaridan hech kim jabrlanmagan. Operatsiya “IShIDning AQSh fuqarolari, hamkorlarimiz va begunoh tinch aholiga tahdid soluvchi teraktlarni rejalashtirish va amalga oshirish qobiliyatini sezilarli darajada buzadi”, dedi Xegset.
Zarbaga uchragan terrorchilar g‘orlarda yashiringan, dedi AQSh prezidenti Donald Tramp. Uning so‘zlariga ko‘ra, jangarilar orasida guruhning yuqori martabali vakili ham bo‘lgan, u uning operatsiyalarini rejalashtirishga mas’ul edi.
.jpg "X factor uzbekistan")
.png "YouTube UZREPORT TV")
