Associated Press: AQSh Ukrainaga 1,25 milliard dollar harbiy yordam ajratadi
Jo Bayden ma'muriyati kelasi hafta boshida Ukrainaga yangi harbiy yordam paketini ajratish niyatida. Uning miqdori 1,25 milliard dollarni tashkil etadi, deya xabar beradi Associated Press manbalari.
Yordam paketi ko'plab o'q-dorilarni, jumladan NASAMS va HAWK zenit-raketa tizimlarini o'z ichiga oladi. Shuningdek, Kiyevga Stinger portativ havo mudofaa tizimi uchun raketalar va 155 mm va 105 mm kalibrli artilleriya snaryadlari yuboriladi. Paket 30-dekabr, dushanba kuni e'lon qilinishi kutilmoqda.
Amerika ommaviy axborot vositalarining xabarlariga ko'ra, Jo Bayden ma'muriyati Pentagon zaxiralaridan qurol-yarog'larni topshirish dasturi doirasida Ukrainaga yordam sifatida qolgan 5,6 milliard dollarni sarflashga vaqt topa olmaydi. AQSh prezidenti shu hafta boshida Mudofaa vazirligiga qurol-yarog‘ yetkazib berishni ko‘paytirishni davom ettirish haqida ko‘rsatma bergan edi.
.jpg "X factor uzbekistan")
.png "YouTube UZREPORT TV")
