Axios: Oq uy Netanyaxuning tanbehlari tufayli AQSh va Isroil o'rtasidagi uchrashuvni bekor qildi
Bosh vazir Benyamin Netanyaxu Amerika qurollarini yetkazib berishdagi kechikishlardan shikoyat qilgan videomurojaatini e’lon qilganidan so‘ng, Oq uy Qo‘shma Shtatlar va Isroil o‘rtasidagi yuqori darajadagi uchrashuvni bekor qildi. Bu haqda Axios manbalarga tayanib xabar bermoqda.
“Amerikaliklar g'azabda. Benyamin Netanyaxu videosi ko‘p zarar keltirdi”, dedi ismini oshkor qilmaslik sharti bilan isroillik amaldorlardan biri.
O'z navbatida, amerikalik manbalar Axios nashriga Jo Bayden ma'muriyati Netanyaxuning Isroilga harbiy yordam ko'rsatish borasidagi "noshukurligidan" norozi bo'lganini ma'lum qildi.
Matndan ko'rinib turibdiki, Jo Baydenning maslahatchisi Amos Xochshteyn Isroil bosh vaziri bilan shaxsan uchrashib, yozib olingan videomurojaat va AQShga nisbatan shu kabi ayblovlarni qabul qilib bo'lmasligini e'lon qilgan.
Bungacha Jo Bayden Isroil bosh vaziri Benyamin Netanyaxuga Qo‘shma Shtatlar G‘azo sektoridagi urush bo‘yicha siyosatini qayta ko‘rib chiqishi mumkinligini aytdi.
.png "YouTube UZREPORT TV")
