Britaniya Ukrainaga uzoqqa uchuvchi raketalar yetkazib berishni to‘xtatdi
Buyuk Britaniya zaxiralar yetishmasligi sababli Ukrainaga uzoq masofaga uchadigan Storm Shadow raketalarini yetkazib berishni to‘xtatdi. Bu haqda manbalarga tayanib The Times xabar berdi.
Britaniya Mudofaa vazirligidagi manbalar Storm Shadow yetkazib berish to‘xtatilishini zaxiralarni saqlab qolish niyati bilan bog‘ladi. Mamlakatdagi ayrim mulozimlar Rossiyadagi obyektlarga qo‘llashga ruxsat berilmaguncha uzoq masofaga uchuvchi raketalarni berishni istamaydi. Ular ushbu raketalardan qisqa masofalarda foydalanish unchalik samarali emasligini aytmoqda.
The Guardian gazetasining yozishicha, Buyuk Britaniyada Kir Starmer boshchiligidagi leyboristlar hokimiyat tepasiga kelgach, London va Kiyev o‘rtasidagi munosabatlar yomonlashdi. Ukraina oxirgi marta oktyabr oyida Storm Shadow raketalaridan foydalangani haqida xabar bergan.
.jpg "X factor uzbekistan")
.png "YouTube UZREPORT TV")
