Dunyoda eng ko'p sotilgan avtomobillar ro'yxati tuzildi
Focus2Move 2025-yilda dunyodagi eng mashhur 10 ta avtomobil brendi ro‘yxatini tuzdi
Focus2Move tahliliy agentligi hisobotiga ko‘ra, Toyota joriy yilda jahon bozoridagi eng mashhur avtomobil brendiga aylandi.
Shunday qilib, yanvar oyida ushbu brendning 706 544 nusxasi sotilgan (2024-yilning shu davriga nisbatan -6,6%). Endi brendning modellari jahon yangi avtomobil bozorining 10,8 foizini egallaydi.
Ikkinchi o‘rinni Germaniyaning Volkswagen kompaniyasi egalladi (395 777 dona sotilgan, 2024 yilning shu davriga nisbatan -4,3%). Brendning bozordagi ulushi 6,1% ni tashkil qiladi.
Keyingi o'rinda Honda brendi (277 991 ta mashina sotilgan, 2024-yil yanvariga nisbatan -22,5%). Bozor ulushi global savdoning 4,3% ni tashkil qiladi.
Undan keyin Ford (270 437 dona), Hyundai (263 208 dona), Nissan (226 543 dona), Kia (219 302 dona). Kiadan keyingi o‘rinlarni mos ravishda 213 008 va 208 713 avtomobil bilan Chevrolet va BYD egallaydi.
Geely dunyodagi eng ko'p sotilgan avtomobil brendlari o'ntaligini yopdi (190 557 dona).
.png "YouTube UZREPORT TV")
