Google Kaliforniyada o‘zining birinchi yog‘ochdan qurilgan ofisini ochdi

“Google” Kaliforniyaning Sanniveyl shahrida o‘zining birinchi yog‘och ofis binosini ochdi. 

Besh qavatli bino butunlay presslangan yog‘ochdan qurilgan va kompaniyaning ta’kidlashicha, po‘lat va beton konstruksiyalarga qaraganda 96% kamroq uglerod chiqindilarini ishlab chiqaradi.

Ofis yangi turdagi muhandislik yog‘ochidan qurilgan bo‘lib, u mayda elementlarni katta to‘sinlar va devorlarga yopishtirish va qatlamlash orqali tayyorlanadi.

Ushbu konstruksiya atmosferadagi uglerod gazini o‘ziga singdirish xususiyatiga ega. Yog‘och materialdan tayyorlangan bloklarni oldindan yig‘ish qurilish jarayonini tezlashtiradi, shovqin va chiqindilar miqdorini kamaytiradi.

Bino umumiy maydoni 16 ming 954 metr kvadrat bo‘lib, 700 dan 900 gacha xodimlarni sig‘dira oladi. Kompaniya vakillari unda “yuzlab” “Google” mutaxassislari ishlashini aytishdi.

Qurilish 2020-yil oxirida boshlangan va birinchi ishchilar sentabr oyida yangi ofislariga ko‘chib o‘tishgan.

“Odamlarga o‘z ishlarini eng yaxshi tarzda bajarish imkoniyatini berish uchun ularga tabiatga, turlarga va kunduzgi yorug‘likka kirish imkoniyatini berish kerak”, — deydi “Google” arxitektura muhiti bo‘yicha tadqiqotlar va ishlanmalar bo‘limi direktori Mishel Kaufmann.

Bosh qarorgoh to‘liq elektrlashtirilgan, tomdagi quyosh panellari uni elektr energiyasi bilan ta’minlaydi. Shunday qilib, kompaniya 2030-yilgacha qayta tiklanadigan energiya manbalariga o‘tish uchun yana bir qadam tashlaydi.