Isroilning Iordaniyadagi elchixonasida otishma yuz berdi
Isroilning Iordaniyadagi elchixonasi yaqinida otishma yuz berdi: uch politsiyachi yaralandi, hujumchi halok bo‘ldi.
Ammandagi Isroil elchixonasi yaqinida yuz bergan otishma natijasida politsiyachilar yaralandi, deya xabar bermoqda Reuters xavfsizlik kuchlaridagi manbasiga tayanib. Axborot agentligi ma’lumotlariga ko‘ra, otishma sodir etgan shaxs o‘ldirilgan.
Reuters avvalroq elchixona hududida o‘q uzilgani haqida xabar bergan edi. Politsiya hududni o‘rab oldi va mahalliy aholini uylarini tark etmaslikka chaqirdi.
Agentlik ta’kidlaganidek, bu hududda Isroilga qarshi namoyishlar doimiy ravishda o‘tkazilib kelinmoqda, ular 2023-yilda Isroilning G‘azo sektorida harbiy amaliyoti boshlanganidan beri tez-tez bo‘lib bormoqda.
.jpg "X factor uzbekistan")
.png "YouTube UZREPORT TV")
