Janubiy qutbda imperator pingvinlarining to'rtta yangi koloniyalari topildi

Britaniya Antarktika instituti (BAS) Janubiy qutbda to‘rtta yangi imperator pingvinlarining koloniyalarini topdi. Pingvin populyatsiyalari va koloniyalarning harakatlanish yo'llari haqidagi ma'lumotlar sun'iy yo'ldosh kuzatuvlari orqali olingan.

Olimlarning fikriga ko'ra, pingvinlar o'z koloniyalarini ko'chirishgan, chunki iqlim o'zgarishi tufayli muzlarning erishi ularning ko'payish joylariga tahdid solmoqda. BASning ta'kidlashicha, allaqachon ma'lum bo'lgan koloniyalar 30 kilometrdan ko'proq masofaga siljigan va sun'iy yo'ldosh kuzatuvlari davomida imperator pingvinlarining to'rtta yangi, ilgari aniqlanmagan koloniyalari topilgan.

Yangi kashf etilgan koloniyalardan biri Galley ko'rfazida ilgari yo'q bo'lib ketganining tiklanishi natijasida paydo bo'lgan. 

Yangilarining kashf etilishi bilan Janubiy qutbdagi imperator pingvin koloniyalari soni 66 taga yetdi. BAS yangi koloniyalar kashf etilganiga qaramay, imperator koloniyalari populyatsiyalari hali ham yo'q bo'lib ketish xavfi ostida ekanligini ta'kidladi. Uchta yangi koloniyada 1000 tadan kam pingvinlar yashaydi.

Aytib o'tish lozimki, 2016-2023-yillar oralig'ida olimlar so'nggi 45 yildagi eng past to'rtta muzlik darajasini qayd etishdi. Binobarin, qattiqroq muzlik tuproqlarini afzal ko'radigan imperator pingvinlari yashash joylari va ko'payish joylarini o'zgartirdilar. Biroq, butun qit'a bo'ylab muzlash jarayoni tufayli migratsiya masofalari ham uzoqlashdi.

Imperator pingvinlari qirg'oq muzliklarida yashashiga qaramay, ular ko'payish uchun ko'pincha yetib bo'lmaydigan joylarni tanlashadi. Shu sababli, naslchilik zonalaridagi koloniyalar sun'iy yo'ldosh orqali nazorat qilinadi.

Ma'lumot o'rnida, "yo'qolib ketish xavfi ostida" deb hisoblangan imperator pingvinlari dunyodagi eng katta pingvinlardir. Uning o'rtacha bo'yi taxminan 120 sm, vazni esa 22 dan 45 kg gacha bo'ladi. Ular polaponlarini Antarktida qishida muzlagan dengiz muzlari ustida o'stiradilar. Ammo jo'jalar katta bo'lguncha muz erib ketsa, ko'pchiligi nobud bo'ladi.