Kambodjada 11 yoshli qiz parranda grippidan vafot etdi
Kambodjada 11 yoshli qizaloq parranda grippi shtammi bilan kasallanganidan keyin vafot etdi. Bu haqda hukumat xabariga tayanib Support the Guardian nashri xabar qildi.
Mamlakat sog'liqni saqlash vaziri Mam Bunxeng 23-fevral, payshanba kuni bergan bayonotida H5N1 shtammi bilan kasallanish 2014-yildan beri birinchi marta kuzatilayotganini aytdi.
Bayonotda aytilishicha, poytaxt Pnompen sharqidagi Prey Veng provinsiyasida yashovchi qiz 16-fevral kuni yuqori isitma va yo‘tal bilan kasallanganidan so‘ng unga parranda grippi tashxisi qo‘yilgan.
"Uning ahvoli yomonlashganda, u davolanish uchun Pnompendagi milliy bolalar kasalxonasiga yotqizilgan, biroq chorshanba kuni vafot etgan", - dedi sog‘liqni saqlash vazirligi.
Shuningdek, vazirlik qizning otasi ham allaqachon parranda grippiga chalinganini aytdi. Bundan tashqari, yana 11 kishida H5N1 virusi aniqlangan.
Qayd etilishicha, Kambodjada 10 yil oldin odamlarda H5N1 virusini yuqtirishning 56 ta holati qayd etilgan, ulardan 37 tasi o‘lim bilan yakunlangan.
"Odamlarda parranda grippi holatlari kam uchraydi, chunki odamlarda tomoq, burun va yuqori nafas yo‘llarida virusning hozirgi shtammiga sezgir bo‘lgan reseptorlari yo‘q. Kasallangan parrandalar bilan ishlaydigan odamlarda infeksiya xavfi yuqori", - deyiladi xabarda.
Malumot uchun, 2021-yildan beri JSST H5N1 virusi bilan odamlarda 8 ta holatni qayd etgan, jumladan Xitoy, Hindiston, Ispaniya, Buyuk Britaniya va AQSHda.
.png "YouTube UZREPORT TV")
