Le Figaro: Fransiya va Britaniya Rossiyaga uzoq masofadan zarba berishga ruxsat berdi

Fransiya va Buyuk Britaniya Ukrainaga Rossiyaga qarshi uzoq masofali qurolli zarbalar berishga ruxsat berdi. Bu haqda Le Figaro manbasini ko‘rsatmasdan yozadi.

The Guardian 2024-yilning sentabrida Britaniya bunga ruxsat berishini yozgan edi. Shu bilan birga, Rossiyaning Buyuk Britaniyadagi elchisi Andrey Kelin oktabr oyida “pozitsiya o‘zgarmasligi va London hozirda Rossiya hududiga zarbalar berish imkoniyati tarafdori emasligi tasdiqlandi”, dedi.

The New York Times gazetasi AQSh prezidenti Jo Baydenning ATACMS raketalari bo‘yicha ham xuddi shunday qaror qabul qilgani haqida yozganidan so‘ng, Figaro Fransiya va Britaniyaning Ukraina uchun Rossiyaga qarshi zarbalarga qo‘yilgan cheklovlarni bekor qilish qarori haqida yozdi. NYT ma'lumotlariga ko'ra, nishonlar "Kursk viloyatidagi Ukraina qo'shinlariga tahdid soluvchi" qo'shinlar bo'lishi mumkin, ammo Bayden Kiyevga boshqa joylarda uzoq masofali qurollardan foydalanishga ruxsat berishi mumkin. Gazetaning aniqlik kiritishicha, Qo‘shma Shtatlar Kursk viloyatida Shimoliy Koreya qo‘shinlarining paydo bo‘lishiga javoban shunday qarorga kelgan. Shu bilan birga, Qo'shma Shtatlar qaror mojaro rivojiga katta ta'sir ko'rsatishiga ishonmaydi, deb ta'kidladi NYT.

Reuters xabariga ko‘ra, Kiyev yaqin orada Rossiyaga uzoq masofali qurollar bilan zarba berishni rejalashtirmoqda.

Sentyabr oyida The Times gazetasi Fransiya va Britaniya Ukrainaning uzoq masofali raketalardan foydalanishga qo‘yilgan cheklovlarni bekor qilish qarorini qo‘llab-quvvatlashini yozgan edi. Mamlakatlar Storm Shadow va SCALP raketalarini yetkazib beradi. Biroq, bu raketalarning ayrim komponentlari Amerikada ishlab chiqarilgan va ulardan foydalanish uchun AQSh ruxsati talab qilinadi.