Moldova prezidenti Mayya Sandu ikkinchi muddatga qasamyod qildi

24 dekabr, seshanba kuni Kishinyovda Moldova prezidenti Mayya Sandu ikkinchi muddatga qasamyod qildi. «Qo‘limni yuragimga qo‘ygan holda ayta olaman: men birinchi mandatim davomida fidoyilik bilan ishladim va to‘rt yil bundanda kattaroq iroda va kuch bilan davom etaman, kamtarlik bilan aytishim mumkinki, biz mustaqillikning 30 yili davomida hech qachon bo‘lmagan ishni qildik», — deya ta’kidladi Sandu.

Davlat rahbari o‘z nutqida mamlakat jamiyati so‘nggi yillardagi inqirozlar va qo‘shni Ukrainadagi urushga qaramay, tinchlikni saqlab, demokratiyani himoya qilishga muvaffaq bo‘lganini ta’kidladi. «Men sizni ishonch bilan olg‘a siljishga chaqiraman, bizning Moldova nimani anglatishini unutmang — meros, nekbinlik, kurash, rivojlanish, tashkilotchilik, iroda, ambitsiya», dedi Sandu.

Moldova Rossiya gazi tufayli favqulodda holat e’lon qildi

Moldovada Rossiyadan gaz yetkazib berish to‘xtashi tahdidi tufayli favqulodda holat joriy etiladi. Bunday qaror 13 dekabrga o‘tar kechasi mamlakat parlamenti tomonidan qabul qilindi. Uni 101 deputatdan 56 nafari qo‘llab-quvvatlab chiqdi.

Moldovada 16 dekabrdan 60 kunlik favqulodda holat joriy etiladi. 2025 yil 1 yanvardan boshlab Rossiyadan gazning mamlakatga kelishi to‘xtashi kutilmoqda.

Kishinyov Rossiya gazini Ukraina orqali tranzit orqali oladi, uning vakillari mamlakat «Gazprom» bilan Rossiya Federatsiyasidan gaz tranziti bo‘yicha shartnomani uzaytirmoqchi emasligini bir necha bor aytishgan. Amaldagi shartnoma muddati 2024 yil 31 dekabrda tugaydi.

Bundan tashqari, Rossiya nefti ham Ukraina orqali Yevropa Ittifoqiga «Drujba» neft quvuri orqali keladi. Ukrainaning «Ukrtransafta» kompaniyasi va Rossiyaning «Transneft» kompaniyasi o‘rtasida uni o‘tkazish bo‘yicha shartnoma 2029 yilgacha amal qiladi.