NASA Yerni asteroid to‘qnashuvidan himoya qila olmasligini tan oldi
Amerikaning NASA kosmik agentligi Yerni asteroidlar bilan to‘qnashuvdan himoya qila olmasligini, chunki unda buning uchun zarur infratuzilma mavjud emasligini ma’lum qildi. Bu haqda NASAning Yer uchun potensial xavfli asteroidlar va kometalarni qidiradigan Sayyoralar mudofaasini muvofiqlashtirish boshqarmasining hisobotida so‘z boradi.
NASA 2038-yil 12-iyulda Yerga 72% ehtimollik bilan asteroid tushishi ssenariysini ko‘rib chiqdi. Ma’lumotlarga ko‘ra, uning diametri 60 dan 800 metrgacha bo‘lgan. Hisobotda, shuningdek, asteroidning Yerga ta’sirining mumkin bo‘lgan oqibatlari haqida so‘z bordi. Hech kim zarar ko‘rmasligi ehtimoli 45 foizni, 1000 dan ortiq odam zarar ko‘rishi mumkinligi 47 foizni, 100 000 dan ortiq odam zarar ko‘rishi mumkinligi 28 foizni tashkil etadi. Meteorit va uning parchalari qulashi mumkin bo‘lgan zarar zonasiga AQSH, Meksika, Portugaliya, Ispaniya, Jazoir, Tunis, Liviya, Misr va Saudiya Arabistoni kiradi.
Hisobotda aytilishicha, 14 yil davomida kosmik missiyani, tabiiy ofatlarga tayyorlikni va aloqa harakatlarini saqlab qolish budjet sikllari, siyosiy rahbariyatdagi o‘zgarishlar, xodimlar va doimiy ravishda o‘zgarib turadigan dunyo voqealari tufayli qiyin bo‘ladi.
NASAning hisobotida qayd etishicha, asteroid tahdidi holatida kosmik missiyalar to‘g‘risida qaror qabul qilish jarayoni noaniq bo‘lib qolmoqda. Bu jarayon AQSHda ham, xalqaro miqyosda ham to‘g‘ri aniqlanmagan.
.jpg "X factor uzbekistan")
.png "YouTube UZREPORT TV")
