Politico: Durov Rossiya va BAA konsullik yordamini rad etdi
Telegram messenjeri asoschisi Pavel Durov unga Rossiya va Birlashgan Arab Amirliklari (BAA) tomonidan taklif qilingan diplomatik yordamdan bosh tortdi. Bu haqda Politico gazetasi fransuz rasmiysiga tayanib xabar berdi.
Rasmiy nashr bilan suhbatda Durov Moskvadan konsullik himoyasidan va arab konsulligi vakilining tashrifidan bosh tortganini aytdi. Biroq, uning so‘zlariga ko‘ra, tadbirkor BAA elchixonasini vaziyatdan xabardor qilib turishga rozi bo‘lgan.
Avvalroq, Fransiya rasmiylari Durovga qarshi ishda “maxfiy kiber qonun”dan foydalanishi mumkinligi xabar qilingandi.
5-sentabr kuni Durov Parijning Le Burje aeroportida hibsga olinganidan so‘ng birinchi bayonotini berdi. U fransuz rasmiylarining o'ziga qarshi da'volarini "hayratlanarli" deb atadi. Durovning so‘zlariga ko‘ra, u to‘rt kun davomida so‘roq qilingan.
Tadbirkor, shuningdek, uni qo'llab-quvvatlagan barchaga "sevgi va memlar uchun" minnatdorchilik bildirdi.
Durov 24-avgust kuni kechqurun Parij aeroportida qo‘lga olingan. U to‘rt kun hibsda qolib, olti oy davomida Fransiya hududini tark etishni taqiqlagan sud oldida paydo bo‘ldi. Tadbirkor 12 ta moddadagi jinoyatlarga aloqadorlikda gumon qilinmoqda. Taxminlarga ko‘ra, bu jinoyatlarni sodir etishda Telegram’dan foydalanilgan.
.png "YouTube UZREPORT TV")
