Polsha janubidagi Quyi Sileziyaning toshqindan ko'rgan zarari deyarli 1 milliard dollarga baholandi
Polsha janubidagi Quyi Sileziya viloyati rahbari Masey Avizen inqiroz shtab-kvartirasi yig‘ilishida dastlabki hisob-kitoblarga ko‘ra, mintaqadagi suv toshqini jami 3,65 milliard zlotiy (955 million dollar) zarar keltirganini aytdi. Belgilangan miqdor 2 ta shahar va 25 ta povetga (Polshadagi oʻrtacha maʼmuriy-hududiy birlik, voevodalikning bir qismi) tegishli.
Polsha infratuzilma vaziri Dariush Klimchak matbuot anjumani chog‘ida Quyi Sileziyadagi yo‘llarga yetkazilgan zarar 155 million zlotiy (40,5 million dollar)ga baholanayotganini, temir yo‘l infratuzilmasiga yetkazilgan zarar esa 200 million zlotiydan (52,2 million dollardan ortiq) ortiqni tashkil qilganini ta’kidladi.
“Eng katta zarar suv infratuzilmasi – har xil turdagi suv havzalari, toʻgʻonlar, har qanday gidrotexnik inshootlarga yetkazildi. Agar Polshaning suv infratuzilmasini boshqaruvchi “Vodi Polskie” kompaniyasining yo‘qotishlari haqida gapiradigan bo‘lsak, ularni milliardlab zlotiylarda hisoblaymiz”, — dedi Klimchak.
Polsha janubidagi Sileziya, Quyi Sileziya va Opole viloyatlarida kuchli yomg‘irdan keyin suvning Nisa daryosi tubidan toshib ketishi tufayli toshqinlar yuz berdi. To'fon 1997 yildan beri eng yomoni deb hisoblanadi. TVP telekanali politsiya maʼlumotlariga tayanib, 17-sentabr kuni suv toshqini oqibatida olti kishi halok boʻlganini xabar qildi.
.png "YouTube UZREPORT TV")
