Qirg‘iziston prezidenti Sadir Japarov boshqa davlatlardan, jumladan, AQShdan respublikaning ichki ishlariga aralashmaslikni so‘radi. Qirg‘izistonda qabul qilinishi mumkin bo‘lgan xorijiy agentlar to‘g‘risidagi qonun loyihasidan xavotir bildirgan Amerika Davlat kotibi Entoni Blinkenning maktubiga u shunday izoh berdi.
Japarovning da'vo qilishicha, boshqa davlatlar tomonidan moliyalashtirilgan nodavlat notijorat tashkilotlarining kichik, ammo "juda ovozli guruhi" "o'z qiyinchiliklari va ta'qiblari bilan spekulyatsiya qilmoqda".
Bu ularga homiylik qilayotgan xorijiy tuzilmalarni "o'z yetakchilariga ergashishga" va "AQSh hamda Yevropa Ittifoqi soliq to'lovchilaridan pul sarflashga" majbur qiladi. Qirg'iziston prezidentining so'zlariga koʻra, ayni nodavlat tashkilotlar “xalq orasida yolgʻon, ishonchsiz maʼlumot” tarqatmoqda.
U nodavlat va notijorat tashkilotlari uchun AQSh tomonidan moliyalashtirilgan mablag‘lar auditini o‘tkazishni taklif qildi.
“Shuningdek, biz teng huquqli hamkorlik tarafdorimiz va barcha davlatlar hamda xalqaro hamkorlar, jumladan, AQSh bilan hamkorlik qilishga tayyormiz. Yagona iltimosim, yurtimizning ichki ishlariga aralashmang”, dedi u AQSH davlat kotibiga yoʻllagan javob xatida.
Sadir Japarov Antoni Blinkenni respublikada inson huquqlari va erkinliklari “Konstitutsiya va qonunlar bilan ishonchli himoya qilinishi”ni ta’minlash maqsadida Bishkekka tashrif buyurishni taklif qildi.
Qirg‘izistonda nodavlat notijorat tashkilotlari to‘g‘risidagi qonunga o‘zgartirish kiritish 2023-yil boshida parlament deputati Nodira Narmatova tomonidan ilgari surilgan edi. U qonunchilikka chet eldan mablagʻ oluvchi nodavlat notijorat tashkilotlari uchun “xorijiy vakil” atamasini kiritish, shuningdek, bunday tashkilotlar reyestrini yaratishni taklif qildi.
Reyestrga kirish tashkilotning mamlakatda faoliyat yuritishiga ruxsat berilganligini bildiradi. Narmatova, shuningdek, nodavlat notijorat tashkilotlariga nisbatan davlat vakolatlarini kengaytirish, jumladan, qonun buzganliklari uchun mutasaddi tashkilotlarga o'z faoliyatini bir tomonlama ravishda olti oy muddatga to‘xtatib turish imkoniyatini berishni taklif qildi.
Alpha version: 0.9.1.19 build 90806 | Инструменты