Shimoliy Koreya o‘zining yangi qit’alararo raketasini ilk bor namoyish qildi
Kim Chen In Pxenyandagi harbiy paradda ilk bor Xvason-20 raketasini namoyish qildi. Qo'shma Shtatlardagi nishonlarga zarba bera oladigan raketaning namoyishi yuqori martabali mehmonlar va xalqaro hamjamiyatni hayratda qoldirishga qaratilgan edi.
11-oktabr, shanba kuni Shimoliy Koreya rahbariyati Pxenyanda so‘nggi ikki yil ichida birinchi yirik harbiy paradni o‘tkazib, yangi qit’alararo raketani namoyish qildi. Davlat axborot agentligi KCNA tadbirda taqdim etilgan Xvason-20 raketasini “eng kuchli yadroviy strategik qurol” deb atadi. Shimoliy Koreya yetakchisi Kim Chen In o‘z nutqida qurolli kuchlarni “har qanday tahdidni yo‘q qilishga” qodir “yengilmas” kuchga aylanishga chaqirdi.
Parad Koreyaning hukmron Mehnat partiyasi tashkil topganining 80 yilligi munosabati bilan Kim Ir Sen maydonida bo‘lib o‘tdi. Taklif etilgan mehmonlar orasida Xitoy Bosh vaziri Li Tsyan, Rossiya Xavfsizlik kengashi raisi o‘rinbosari Dmitriy Medvedev, Vyetnam Kommunistik partiyasi Bosh kotibi To Lam ham bor edi.
Ular bitta rasmiy suratda Kim Chen In bilan birga tasvirlangan. KCNA tomonidan e'lon qilingan boshqa suratlarda Shimoliy Koreya bayroqlari bilan tashrif buyuruvchilar yonidan uzun Hwasong-20 raketasi o'tayotganini ko'rsatdi.
.png "YouTube UZREPORT TV")
