Shimoliy Koreya Sharqiy dengiz tomon ballistik raketa uchirdi

Shimoliy Koreya harbiylari Sharqiy dengiz tomon ballistik raketa uchirdi, deb xabar berdi Yonhap agentligi 26-iyun kuni Janubiy Koreya shtab boshliqlari birlashgan qo‘mitasiga (JCS) tayanib.

Harbiylar vaziyatni o‘rganayotganini ta’kidladi. Ularning so'zlariga ko'ra, raketa taxminan 250 km masofani bosib o'tgan. JCS raketa sinovlari muvaffaqiyatsiz yakunlangan bo'lishi mumkinligini taxmin qildi.

Qo‘mita vakillari, shuningdek, uning uchirilishi KXDR Janubiy Koreya yo‘nalishi bo‘yicha yana chiqindi solingan havo sharlarini jo‘natganidan bir necha soat o‘tgach sodir bo‘lganini ham eslatdi.

30-may kuni KXDR o‘nga yaqin qisqa masofali ballistik raketalarni uchirdi. Ular suvga tushishdan oldin taxminan 350 km uchib ketishgan. Janubiy Koreya harbiylari snaryadlar Seul metropoliteni va Janubiy Koreyaning asosiy havo bazalari masofasida bo‘lganini aytdi.

May oyi oxirida Shimoliy Koreya ham Koreya Respublikasiga axlat va go‘ng bilan to‘ldirilgan 150 dan ortiq shar jo‘natdi. Bu harakat Pxenyanning Seulning ikki respublika chegarasi yaqinida tashviqot varaqalari tarqatganiga javobi edi.

11-iyun kuni Shimoliy Koreya qo‘shinlari go‘yoki qisqa muddatga Janubiy Koreya chegarasini kesib o‘tgani haqida ma’lumot paydo bo‘ldi. Shundan soʻng bu mamlakat qurolli kuchlari ogohlantiruvchi oʻq ochgan va KXDR askarlari oʻz hududlariga qaytishgan.

15-iyun kuni Yonhap agentligi KXDR armiyasi go‘yoki Janubiy Koreya bilan chegaradagi qurolsizlantirilgan hududda devor qurishga kirishgani haqida yozgan.