Shveysariyada burqa va niqob taqish taqiqlandi
Shveysariyada 1-yanvardan boshlab jamoat joylarida paranji kiyish va niqob taqish taqiqlandi. Bu haqda SwissInfo xabar berdi.
Shveysariya bunday taqiqni joriy etgan beshta Yevropa davlati, jumladan, qo‘shni Fransiya va Avstriya qatoriga qo‘shildi. Taqiqni noqonuniy ravishda buzgan har bir shaxs 1000 Shveysariya frankigacha (1144 AQSh dollari) jarima to‘lashga majbur bo‘ladi. Biroq, ushbu taqiq samolyotlarga, diplomatik muassasalarga, ziyoratgohlar va boshqa muqaddas joylarga nisbatan qo‘llanilmaydi.
Ibodat va boshqa muqaddas joylarda yuzni yopish mumkin. Bundan tashqari, sog‘liqni saqlash, xavfsizlik, ob-havo sharoitlari va mahalliy Shveysariya urf-odatlaridan kelib chiqib ham yuzni yopishga ruxsat beriladi. Shuningdek, badiiy va ko‘ngilochar tadbirlar paytida hamda reklama maqsadlarida yuzni yopish mumkin.
Istisno holatlarda jamoat joylarida yuzni yopishga ruxsat berilishi mumkin, agar bu fikr bildirish yoki yig‘ilish erkinligini ta'minlash uchun zarur bo‘lsa. Biroq, bunday harakat oldindan mas’uliyatli davlat organi tomonidan tasdiqlanishi va jamoat tartibi yoki xavfsizlikka tahdid tug‘dirmasligi lozim.
.jpg "X factor uzbekistan")
.png "YouTube UZREPORT TV")
