Standforddagi Tasmaniya bog'i dunyodagi eng xunuk maysazor deb e'lon qilindi

Sandforddagi Tasmaniya maysazori dunyodagi birinchi eng xunuk maysazor tanlovidagi g'olib manzilga aylandi. Ushbu joy Germaniya, Fransiya, Kanada, Xorvatiya, Shvetsiya, AQSh va Buyuk Britaniyadan ko'plab "raqobatchilar"ni ortda qoldirdi.

Bunday tanlov g'oyasi Gotland oroli (Shvetsiya) hokimiyatining ikki yillik oldingi taklifi asosida shakllantirildi. Qayd etilishicha, mashhur dam olish maskanlarida suv tanqisligi yuzaga kelgan va mahalliy hokimiyat aholini manzarali o‘simliklarni sug‘orishda behuda sarf qilmaslik orqali suvni tejashga harakat qilgan.

"Ba'zida odamlarga o'zlarining maysazorlarini yam-yashil, ozoda saqlashlari uchun bosimlar bo'ladi, lekin endi ular shunday deyishlari mumkin: men musobaqadaman, maysazorimni sug'orishim shart emas", deb qayd etdi mahalliy hokimiyat vakillari.

Ma'lumotlarga ko'ra, bunday tanlov o'tkazilishi ortidan Gotlandda suv iste'moli 5% ga kamaygan. Tashabbus haqida ko‘plab ommaviy axborot vositalari yozgan va boshqa davlatlar ham bunga qiziqish bildirgan.

Sandforddagi g'alaba qozongan maysazorda sariq o'tlar tutamlari va Avstraliya quyoshida qurib qolgan o'simliklar bor. Uning egasi Ketlin Myurrey umumiy suv ta'minoti bo'lmagan hududda yashaydi. Suv omborlarida to'plangan yomg'ir suvi maysazorda isrof qilish uchun juda qimmatlidir. Agar u tugasa, Ketlin va uning oilasi tanker yangi materiallar bilan kelishidan oldin bir necha hafta kutishga to'g'ri keladi.

Myurreyning o'zi, uning "bo'shashgan" bog'dorchilik uslubi biologik xilma-xillikni saqlashga yordam beradi, deb hisoblaydi. Maysazorga tez-tez yaqin atrofdagi qo'riqxonadan kaltakesaklar, kengurular, valabilar va filandlar (kenguru oilasining eng kichik vakillari) tashrif buyurishadi, deb yozadi The Guardian.