Suzuki avtomobil kompaniyasini 40 yildan ortiq boshqargan Osamu Suzuki 94 yoshida vafot etdi

Suzuki Motor korporatsiyasining sobiq nufuzli rahbari Osamu Suzuki Yaponiyada vafot etdi, deb yozadi Kyodo News.

Suzuki 94 yoshida Xamamatsudagi kasalxonada malign limfomadan vafot etdi.

U kompaniyani 40 yildan ortiq (1978 yildan 2021 yilgacha) turli rahbarlik lavozimlarida – prezident, boshqaruv raisi va bosh direktor lavozimlarida boshqargan. Uning rahbarligida kompaniya savdosi o‘n barobarga o‘sdi, ya’ni 300 milliard iyendan 3 trillion iendan ko‘proqqa yetdi.

Suzuki kompaniya strategiyasini AQSh va Xitoy bozorlarida raqobatlashish o‘rniga rivojlanayotgan bozorlar uchun ixcham avtomobillar ishlab chiqarishga qaratgan.

Uning eng muhim yutuqlaridan biri 1983-yilda Maruti Udyog Ltd bilan hamkorlik qilish orqali Hindiston bozoriga kirish edi. Ular birgalikda Hindistonda katta shuhrat qozongan va qo'shma korxonaning o'sishini ta'minlagan Maruti 800 qo'shma ishlab chiqarishni yo'lga qo'yishdi. Ayni paytda Maruti Suzuki India sho'ba korxonasi Hindiston avtomobil bozorining 41,7 foizini nazorat qiladi.

Osamu Suzuki (Matsuda) 1930 yilda Yaponiyaning markaziy qismida tug'ilgan va 1958 yilda Suzuki kompaniyasiga qo'shilgan va kompaniyaning o'sha paytdagi prezidentining qiziga uylangan va uning familiyasini olgan.

2015-yilda u prezidentlik lavozimini o‘g‘li Toshixiro Suzukiga topshirgan, 2021-yilda esa 91 yoshida kompaniya direktorlar kengashi tarkibidan butunlay ketgan.