Sizlarni har doim eng qiziqarli yangiliklardan xabardor qilish maqsadida yangi xabarlar haqida ogohlantirishimiz mumkin.
Tramp dollardan voz kechadigan davlatlarga tahdid qildi
AQSHning yangi saylangan prezidenti Donald Tramp dollar o‘rniga muqobil valyuta joriy etmoqchi bo‘lgan BRIKS davlatlarini ogohlantirdi. Bu haqda TRT xabar bermoqda.
Trampning ta’kidlashicha, agar BRIKS davlatlari ushbu rejadan voz kechmasa, ularga katta boj tariflari joriy etiladi.
“Biz bu davlatlardan BRIKSning yangi valyutasini yaratmaslik va qudratli AQSH dollari o‘rnini almashtiradigan boshqa valyutalarni qo‘llamaslikni talab qilamiz.
Aks holda, ular 100 foizli boj tariflariga tortiladi va AQSHning rivojlangan iqtisodiyotiga eksport qilish imkoniyati bilan xayrlashadi. BRIKS xalqaro savdoda AQSH dollarini almashtirishi uchun hech qanday imkoniyat yo‘q. Bu yo‘lda harakat qilayotgan har qanday davlat AQSH bilan xayrlashishga tayyor bo‘lishi kerak”, dedi Tramp.
BRIKS 2006-yilda Rossiya, Xitoy, Hindiston va Braziliya tomonidan tashkil etilgan davlatlararo ittifoq hisoblanadi. 2011-yilda unga Janubiy Afrika Respublikasi ham qo‘shilgan. 2024-yil boshidan boshlab Misr, Efiopiya, Eron, BAA va Saudiya Arabistoni ham BRIKSga qo‘shildi.
Baholash:
0
0
Izohlar: 0
Siz identifikatsiyadan o'tmadingiz
Ro'yxatdan o'tish yoki Kirish
Ro'yxatda bo'lmay turib izoh qo'shish
.jpg "X factor uzbekistan")
.png "YouTube UZREPORT TV")
