Tramp G‘arbiy Sohilning anneksiya qilinishini oldini olishga va’da berdi
AQSh prezidenti Donald Tramp Isroilning G‘arbiy Sohilni anneksiya qilish rejalarini tanqid qildi va buning oldini olishga va’da berdi.
AQSh prezidenti Donald Tramp Isroilning G‘arbiy Sohildagi bosib olingan hududlarini anneksiya qilishini qo‘llab-quvvatlamasligini ma’lum qildi. Amerika yetakchisi 25-sentabr, payshanba kuni Oq uyda bo‘lib o‘tgan matbuot brifingida shunday va’da berdi.
"Isroilning Gʻarbiy Sohilni anneksiya qilishiga yoʻl qoʻymayman. Yoʻq, bunga yoʻl qoʻymayman. Bu sodir boʻlmaydi", - deya AQSh prezidentining soʻzlarini keltirgan NBC News.
Brifing oldidan ikki liderning telefon suhbatida Tramp Isroil Bosh vaziri Binyamin Netanyaxu bilan bu masalani muhokama qilganmi, degan savolga, AQSh prezidenti: "U bilan gaplashdimmi yoki yo'qmi, Isroilning G'arbiy Sohilni qo'shib olishiga ruxsat bermayman. Yetadi. To'xtash vaqti keldi" deb javob berdi.
Falastin davlatining bir qancha davlatlar tomonidan tan olinishi
Bu masalani muhokama qilish bir qancha G'arb davlatlari - Frantsiya, Buyuk Britaniya, Kanada va Avstraliyaning Falastinni davlat sifatida tan olishlarini e'lon qilishlari fonida boshlandi.
Netanyaxu bunga keskin qarshilik ko‘rsatib, “Iordan daryosining g‘arbida hech qanday Falastin davlati tuzilmaydi” deb e’lon qildi. U Gʻarbiy Sohilda, Isroil tomonidan bosib olingan Falastin hududlarida yahudiylar turar-joylarini kengaytirish niyatida ekanligini maʼlum qildi.
.png "YouTube UZREPORT TV")
