Tramp: Zelenskiy Rossiya bilan kelishib olishi kerak

Ukraina prezidenti Vladimir Zelenskiy Ukrainadagi urushni tugatish uchun Moskva bilan “kelishuvga” to‘g‘ri keladi. Bu haqda 16-sentabr, seshanba kuni AQSh prezidenti Donald Tramp Buyuk Britaniyaga uchishidan oldin aytib o‘tdi. Tramp qanday kelishuv haqida gapirayotganiga aniqlik kiritmadi.

Amerika yetakchisi, shuningdek, Zelenskiy va Rossiya prezidenti Vladimir Putin o‘rtasidagi ehtimoliy muzokaralarda ishtirok etishini tan oldi. "Tango uchun ikki kishi kerak. Bular bir-birini yomon ko‘radigan ikki kishi, Zelenskiy va Putin va men ular bilan bir xonada o‘tirishga majbur bo‘ladiganga o‘xshaydi, chunki ular bir xonada birga o‘tira olmaydi. U yerda nafrat ko‘p", - deya Tramp so‘zlarini keltiradi Independent.

Rubio: Zelenskiy va Tramp Nyu-Yorkda uchrashishi mumkin

O‘sha kuni AQSh Davlat kotibi Marko Rubio Tramp va Zelenskiy kelasi haftada Nyu-Yorkdagi BMT Bosh Assambleyasida uchrashishlari mumkinligini aytdi. Rubioning soʻzlariga koʻra, AQSh prezidenti Rossiyaning Ukrainaga qarshi urushini toʻxtatish uchun barcha imkoniyatlarni ishga solishga harakat qilmoqda.

"U harakat qilishda davom etadi. Agar tinchlik imkoni bo'lsa, unga erishmoqchi. Qaysidir nuqtada prezident buning iloji yo'q degan xulosaga kelishi mumkin. U hali bu nuqtaga yetmagan, lekin u erga yetishi mumkin", - deydi Rubio. Tramp va Zelenskiy oxirgi marta 18 avgust kuni Vashingtonda uchrashgan.

Tramp NATO davlatlarini Rossiya neftini xarid qilmaslikka chaqirdi

Avvalroq Oq uy rahbari, agar NATO davlatlari Rossiya neftini sotib olishni to‘xtatsa, Rossiyaga nisbatan “jiddiy sanksiyalar” qo‘llashga tayyorligini ma’lum qilgandi. Trampning soʻzlariga koʻra, NATOning baʼzi aʼzolari tomonidan Rossiya neftini sotib olishi “dahshatga soluvchi” va NATOning muzokaralardagi pozitsiyasi va alyansning Moskvaga taʼsirini zaiflashtiradi.