Trampga hukm inauguratsiyadan 10 kun oldin chiqariladi
Donald Trampga sobiq aktrisa Stormi Denielsga to‘lovlar bo‘yicha hukm 10 yanvar kuni, AQShning saylangan prezidenti inauguratsiyasidan o‘n kun oldin e’lon qilinadi. Nyu-York shtati sudyasi Xuan Merchanning qarori 3 yanvar, juma kuni shtat sud tizimining veb-saytida e’lon qilindi.
Tramp qamoq jazosiga hukm qilinmaydi
Ish bo‘yicha hukm 10 yanvar kuni ertalab e’lon qilinishi belgilangan. «Ayblanuvchi hukm chiqarilishida shaxsan yoki virtual ishtirok etishni tanlashi mumkin», dedi sudya.
«Hozirgi bosqichda sudning hech qanday qamoq jazosi tayinlamaslik istagini e’lon qilish o‘rinli ko‘rinadi», — deyiladi hujjatda. Reuters tushuntirganidek, bu Tramp hech qanday qamoq jazosi, jarima yoki sinov muddatiga duch kelmasligini anglatadi.
Agentlikning Tramp matbuot kotibi Stiven Chungdan iqtibos keltirishicha, bu ish bo‘yicha umuman hukm bo‘lmasligi kerak. «Bu noqonuniy ish hech qachon qo‘zg‘atilmasligi kerak edi va Konstitutsiya uni darhol bekor qilishni talab qiladi», dedi Chung.
Trampning advokatlari avvalroq ishni rad etish haqida ariza bergan edi. Ammo sudya Merchan bugungi bayonotida «bunday qaror qonun ustuvorligiga putur yetkazadi», dedi.
.jpg "X factor uzbekistan")
.png "YouTube UZREPORT TV")
