Venera sayyorasida faol vulqon borligi aniqlandi
Alyaska universitetining Feyrbenks geofizika instituti olimlari Venerada faol vulqonlar mavjudligi isbotini topishdi.
Astronom Robert Xerrik va uning hamkasbi Skott Xensli 1990-yillar boshida NASAning Magellan kosmik kemasi tomonidan olingan Venera yuzasi tasvirlarini tahlil qilishdi. Ular diqqatni sayyoradagi ikkita eng yirik vulqonlari Ozza va Maat Mons joylashgan hududga qaratdi.
Astranom Xerrik 1991-yil fevral oyi o’rtalaridagi tasvirni o’sha yilgi oktyabr oyi o’rtalaridagi surat bilan taqqosladi va Maat Monsning bir qismi bo’lgan gumbazli qalqon vulqonining shimoliy tomonidagi teshik shakli va hajmining o’zgarganini aniqladi.
Uning so’zlariga ko’ra, taxminan 2,2 kvadrat kilometr maydonga ega dumaloq teshik kengayib, taxminan 4 kvadrat kilometr maydonni egallagan.
Yerdagi bunday tabiatning o’xshash geologik jarayonlari vulqon faoliyati bilan, jumladan, magma harakati bilan bo’gliq.
Shuningdek, olimlar vulqon devorlarining balandligi pasayganini, teshikning o’zi esa deyarli chetiga qadar lava bilan to’lib, lava ko’liga aylanganini qayd etishdi. Biroq, ko'lning tarkibi suyuq yoki qotib qolganligi noma'lumligicha qolmoqda.
Veneradagi vulqon faol ekanligi ma'lum, chunki unda yiliga bir necha marta otishlar sodir bo'lgan, deydi olimlar.
.png "YouTube UZREPORT TV")
