Vengriya Bosh vaziri Viktor Orban Pekinda Xitoy rahbari Si Szinpin bilan uchrashdi
O'zini "tinchlik kurashchisi" sifatida ko'rsatuvchi Vengriya Bosh vaziri Viktor Orban Pekinda Xitoy rahbari Si Szinpin bilan uchrashdi. Orbanning 8-iyul, dushanba kuni e’lon qilingan X ijtimoiy tarmog‘idagi xabariga ko‘ra, muzokaralarning asosiy mavzusi Rossiyaning Ukrainaga qarshi urushini tugatish uchun tinchlik muzokaralarini boshlash yo‘lini topish bo‘lgan.
"Xitoy Rossiya va Ukraina o'rtasidagi mojaroni hal qilish uchun shart-sharoit yaratishda asosiy kuchdir", dedi Vengriya hukumati rahbari.
Avvalroq, Viktor Orban Xitoy poytaxtiga kelgan suratini “Tinchlikni saqlash missiyasi 3.0” sarlavhasi bilan chop etgan edi.
Vengriya bosh vaziri va Xitoy Xalq Respublikasi raisi o‘rtasidagi muzokaralar tafsilotlari hozircha yo‘q. Xitoy ommaviy axborot vositalari faqat Si Szinpin va Viktor Orban "o'zaro manfaatli masalalarni chuqur muhokama qilish uchun uchrashuv o'tkazishi" haqida yozishdi.
Ayni paytda, Xitoy davlat telekanali CCTV Si Szinpinning so‘zlaridan iqtibos keltirgan holda, endi iloji boricha Ukrainadagi vaziyatni “sovutish”ga e’tibor qaratish zarurligini aytdi. Bundan tashqari, Xitoy Xalq Respublikasi raisi jahon hamjamiyatini Moskva va Kiyev o‘rtasida to‘g‘ridan-to‘g‘ri muloqotni qayta tiklash uchun shart-sharoit yaratishga va bu muloqotni qo‘llab-quvvatlashga chaqirdi.
.jpg "X factor uzbekistan")
.png "YouTube UZREPORT TV")
