Xitoy 2025-yilda ham jahon bozoridagi eng yirik avtomobil yetkazib beruvchiga aylanadi
Yevropa Ittifoqi tomonidan Xitoy elektromobillariga boj joriy etilishiga qaramay, Xitoy 2025-yilda jahon bozorida eng yirik avtomobil yetkazib beruvchisi bo‘lib qoladi. Bunday prognozni ekspertlar hisobotiga tayanib, South China Morning Post nashri keltirdi.
Hua Chuang Securities ma'lumotlariga ko'ra, Xitoy avtomobillari savdosi 2025-yilda 5,58 million donadan oshishi mumkin, bu yil kutilganidan 14 foizga ko'p.
Biroq, nashrning yozishicha, Pekin tarif o‘zgarishi sababli yuzaga kelgan qiyinchiliklarga duch keladi. Shu munosabat bilan mamlakatning yirik avtomobil ishlab chiqaruvchilari, jumladan, davlatga qarashli SAIC Motor kompaniyasi o‘z mahsulot assortimentini benzinli dvigatelli va gibrid modelli avtomobillarni o‘z ichiga olishi uchun diversifikatsiya qilishi kerak bo‘ladi.
Oktyabr oyi oxirida Yevropa Komissiyasi besh yil davomida Xitoy elektromobillarini Yevropa Ittifoqiga import qilish uchun 35,3% gacha bo'lgan yakuniy boj to'lovlarini e'lon qildi. BYD dan elektromobillar uchun bojlar 17%, Geely - 18,8%, SAIC - 35,3% edi.
.jpg "X factor uzbekistan")
.png "YouTube UZREPORT TV")
