Xitoy yangi bojlar fonida AQSH bilan "har qanday turdagi urush"ga tayyorligini bildirdi
AQSH prezidenti Donald Tramp savdo urushini kuchaytirayotgani uchun Xitoy AQSH bilan har qanday mojaroda "oxirigacha kurashishga" tayyor, ekanligini bildirdi, deya xabar bermoqda SNN nashri.
"Agar urush AQSH xohlagan narsa bo‘lsa, xoh u tarif, savdo yoki boshqa turdagi urush bo‘lsin, biz oxirigacha kurashishga tayyormiz," - deyiladi diplomatik vakolatxonaning X ijtimoiy tarmog‘ida.
Xitoy elchixonasi, shuningdek, agar Qo‘shma Shtatlar fentanil bilan bog‘liq muammolarni hal qilmoqchi bo‘lsa, Vashington uchun to‘g‘ri qaror Pekin bilan teng huquqli maslahatlashuvlar o‘tkazish bo‘lishini taʼkidladi.
Eslatib o‘tamiz, AQSH prezidenti Donald Tramp 4 mart kuni Xitoydan keladigan tovarlarga import bojlarini 10 foizdan 20 foizgacha ikki baravar oshirdi va Pekinni giyohvand moddalar savdosiga qarshi kurashishga qodir emaslikda aybladi.
Unga ko‘ra, Xitoy hukumatining AQSHga opioidlar, jumladan fentanilning barqaror oqimini to‘xtatish bo‘yicha choralar ko‘rishga qodir emasligi g‘ayrioddiy tahdid bo‘lib, uning manbai asosan AQSHdan tashqarida joylashgan.
.png "YouTube UZREPORT TV")
