Yevropa Ittifoqida Rossiya gazining asosiy xaridorlari nomi ma’lum bo‘ldi
2024-yilning yanvar-avgust oylarida Yevropa Ittifoqida Rossiya gazining asosiy xaridorlari Fransiya, Vengriya va Ispaniya bo‘ldi. Bu haqda Yevrostat ma’lumotlariga tayanib, “RIA Novosti” xabar bermoqda.
Nashrning qayd etishicha, joriy yilda Rossiya tomoni YeIga 9 milliard yevrolik yoqilg‘i yetkazib bergan bo‘lsa, bu yil quvur gazi yana Rossiya eksportining asosiy manbaiga aylandi. U 4,6 milliard yevroni, suyultirilgan gaz esa 4,4 milliard yevroni tashkil etdi.
2024-yilning sakkiz oyida Fransiya Rossiyadan yoqilg‘i sotib olishni 30 foizga oshirdi va Vengriya ikkinchi o‘ringa tushib ketdi. Budapesht importi uchdan bir qismga qisqarib, 1,6 milliard yevroni tashkil qildi.
Ispaniya Rossiya gazining uchinchi yirik importchisiga aylandi. Madrid Rossiyadan 1,4 milliard yevrolik yoqilg‘i sotib oldi.
Noyabr oyi boshida Rossiya oktabr oyida 3,06 million tonna suyultirilgan gaz (SNG) eksport qilgani xabar qilingan edi.
Yillik hisobda Rossiyaning LNG eksporti 2,5 foizga o'sdi. Bundan tashqari, oktyabr oyidagi ko'rsatkich o'tgan dekabrdagi 3,2 million tonnadan keyin ikkinchi bo'ldi.
.jpg "X factor uzbekistan")
.png "YouTube UZREPORT TV")
