Hududlarda sanoat jadal rivojlantiriladi va sanoat korxonalari eksportga jalb qilinadi
“Hududlarda sanoatni jadal rivojlantirish va sanoat korxonalarini eksportga jalb qilishning qo‘shimcha chora-tadbirlari to‘g‘risida”gi Prezident qarori (PQ-295, 04.10.2025-y.) qabul qilindi.
Qarorga ko‘ra, 2025–2026 yillarda hududlarda sanoatni rivojlantirishning asosiy maqsadli ko‘rsatkichlari etib quyidagilar belgilandi, jumladan:
- respublika sanoatida hududiy sanoatning ulushini 45 foizga yetkazish;
- hududlarda 34 ta yuqori texnologiyali sanoat loyihalarini amalga oshirish orqali sanoatda texnologik mahsulotlar ulushini 25 foizga yetkazish va 3,5 mingdan ortiq yangi ish o‘rinlarini yaratish;
- har bir tuman va shaharlarda 5 tagacha sanoat “o‘sish nuqtasi”ni rivojlantirish.
2026 yil 1 yanvardan boshlab 2028 yil 1 yanvarga qadar:
- ishchilarining o‘rtacha ish haqi miqdori har oyda mehnatga haq to‘lashning eng kam miqdorining ikki baravaridan kam bo‘lmagan mazkur qarorning 4-ilovasiga muvofiq mahalliy sanoat korxonalarining ishchilarni tashish va ovqatlantirish bilan bog‘liq xarajatlaridan har bir ishchi xodim uchun bir oyda bir bazaviy hisoblash miqdorigacha bo‘lgan qismi ijtimoiy soliq bazasidan chiqarib tashlanadi;
- o‘z ehtiyoji uchun gips xomashyosini qazib chiqaruvchi va undan tayyor qurilish materiallari ishlab chiqaruvchi korxonalarga gips olish uchun belgilangan yer qaʼridan foydalanganlik uchun soliq stavkasi 50 foiz miqdorida qo‘llanadi.
.png "YouTube UZREPORT TV")
