Abduqodir Husanov bugun APLda debyut qilishi mumkin
Bugun, 25-yanvar kuni Angliyaning "Manchester Siti" klubi chempionatning 23-turidan o‘rin olgan Londonning “Chelsi” klubiga qarshi bahs olib boradi.
Bugungi uchrashuvda "Manchester Siti" tarkibiga “Lans” klubidan yaqinda kelib qo‘shilgan o‘zbekistonlik futbolchi Abduqodir Husanov katta ehtimol bilan maydonga tushishi mumkin. Bu haqda "shaharliklar" bosh murabbiyi Josep Gvardiola ma'lum qildi.
“Albatta, bizga yangi futbolchilar yordam berishi mumkin. Shuning uchun ular bu yerga ko'chib o'tishdi. "Chelsi"ga qarshi o'yinda bizda faqat bitta markaziy himoyachi bo'ladi, ikkinchisi esa Xusanovga rahmat. Shunday ekan, biz o'ynashimiz kerak bo'lgan o'yinlar sonini hisobga olsak, ixtiyorimizda ko'proq o'yinchilar bo'lishi biz uchun muhim”, - dedi Gvardiola matbuot anjumanida.
Ushbu o‘yin Toshkent vaqti bilan soat 22:30 da boshlanadi.
Eslatib o'tamiz, 21-yanvar kuni "Manchester Siti" Abduqodir Husanov transferini e’lon qilgan edi. APL chempioni o‘zbekistonlik himoyachi bilan 2029-yilgacha shartnoma tuzdi. Kelishuvni yana bir yilga uzaytirish imkoniyati bor.
.jpg "X factor uzbekistan")
.png "YouTube UZREPORT TV")
