Shavkat Mirziyoyev Vashingtondagi aviahalokat yuzasidan Donald Trampga ta’ziya yo‘lladi
O‘zbekiston Respublikasi Prezidenti Shavkat Mirziyoyev Vashington shahridagi Ronald Reygan nomidagi aeroport hududida yuz bergan fojiali aviahalokat oqibatida ko‘plab insonlar halok bo‘lgani munosabati bilan Amerika Qo‘shma Shtatlari Prezidenti Donald Trampga taʼziya maktubi yo‘lladi. Bu haqda Prezident matbuot xizmati xabar berdi.
Davlatimiz rahbari marhumlarning oila aʼzolari va yaqinlariga, butun Amerika xalqiga chuqur hamdardlik izhor etdi.
AQSH Fuqaro aviatsiyasi federal boshqarmasi (FAA) avvalroq Vashingtonda Sikorsky H-60 (Black Hawk) harbiy vertolyoti va yo‘lovchi samolyoti to‘qnashgani haqida xabar bergan edi. Samolyot bortida 60 nafar yo‘lovchi va 4 ekipaj a’zosi, vertolyotda esa 3 nafar harbiy xizmatchi bo‘lgan. CBS ma’lumotlariga ko‘ra, qidiruv-qutqaruv operatsiyasi davomida daryodan kamida 18 jasad chiqarilgan.
Shuningdek, Tramp Vashington yaqinidagi Reygan aeroporti hududida yo‘lovchi samolyoti va harbiy vertolyotning to‘qnashuviga izoh berar ekan, ushbu halokatning oldini olish mumkin bo‘lganini ta’kidlagandi.
.jpg "X factor uzbekistan")
.png "YouTube UZREPORT TV")
