Ўзбекистон миллий терма жамоасининг етакчи футболчиларидан бири Жалолиддин Машарипов Грециянинг “Пансерраикос” клуби билан ўзаро келишувига кўра шартномани бекор қилди. Бу ҳақда клуб матбуот хизмати хабар берди.
Машарипов “Пансерраикос”да жами 8 та ўйинда майдонга тушиб, 2 та ассист муаллифига айланди.
Маълумотларга қараганда 30 ёшли футболчи фаолиятини катта эҳтимол билан Ўзбекистонда давом эттиради.
Маълумот учун, Жалолиддин Машариповнинг “Transfermarkt”га кўра нархи 1,5 миллион еврони ташкил этади. У фаолияти давомида БААнинг “Шабаб Ал-Аҳли” ва Саудиянинг “Ал-Наср” каби клубларида тўп тепган. Ҳозирда футболчи Ўзбекистон миллий терма жамоаси сафида Осиё кубогида иштирок этмоқда.
Alpha version: 0.9.1.19 build 90804 | Инструменты