Levandovski Kataloniya klubi safidagi yuzinchi golini urdi
Levandovski o‘tgan yakshanba kuni “Atletik” ustidan qozonilgan g‘alabali (3:0) o‘yinda “Barselona”ning birinchi golini urdi. Bu gol uning Kataloniya klubi safidagi yuzinchi goli, jamoaning joriy La Liga mavsumidagi yuzinchi goli va klubning 2025-yildagi barcha turnirlardagi yuzinchi goli bo‘ldi. Ushbu uch karra yubileyga polshalik futbolchi yana bir gol qo‘shdi – endi uning “Barselona” safidagi gollari soni 101 taga yetdi.
Uning sermahsulligi uni noyob o‘yinchilar qatoriga kiritdi: u tarixda uch xil klub safida 100 va undan ortiq gol urishga muvaffaq bo‘lgan uch o‘yinchidan biriga aylandi.
Robertning yo‘li Polshaning “Znich” klubida boshlangan, ammo eng yorqin uch bobi – bu “Borussiya”, “Bavariya” va “Barselona”. “Borussiya” safida u 22 yoshdan 26 yoshgacha bo‘lgan davrda 187 o‘yinda 103 ta gol urgan. “Bavariya”da 26 yoshdan 34 yoshgacha bo‘lgan davrda 375 o‘yin o‘tkazib, 344 ta gol, “Barselona”da esa 34 yoshdan 37 yoshgacha bo‘lgan davrda 147 o‘yinda 101 ta gol urdi.
Terma jamoa darajasida Levandovskining Polsha terma jamoasi safida hozircha 158 o‘yinda 85 ta goli bor – yuzlik marragacha 15 ta gol qoldi.
Robertning bu kompaniyasiga faqat ikki futbolchi – Krishtianu Ronaldu va Neymar kiradi. Portugaliyalik futbolchi "Manchester Yunayted", “Real” va “Yuventus” safida yuz va undan ortiq gol urgan. Neymar esa “Santos”, “Barselona” va “PSJ” safida 100+ golga erishgan.
.png "YouTube UZREPORT TV")
