Mbappeda ruhiy muammolar kuzatilmoqda
Madridning “Real” klubining fransiyalik hujumchisi Kilian Mbappeda ruhiy muammolar borligi aytilmoqda.
«Buni xohlaganingizcha talqin qiling, lekin Kilian bir necha oydan beri ruhiy muammolarga duch kelmoqda. U o‘z-o‘zidan o‘tib ketmaydi. Bu vaqt va mehnat talab qiladi, u buni mutaxassislar bilan amalga oshiradi», dedi Mbappega yaqin odamlardan biri L‘Equipe nashriga.
Joriy mavsumda 25 yoshli Mbappe barcha turnirlarni hisobga olgan holda 16 ta o‘yinda qatnashib, 8 ta gol urdi va 2 ta golli uzatmani amalga oshirdi.
Futbolchining “Real” bilan shartnomasi 2029 yilning iyun oyi oxirigacha amal qiladi. Fransuz hujumchisi qirollik jamoasida kutilgandek yorqin o‘ynay olmayapti, klub ham qiyin mavsumni o‘tkazmoqda.
Avvalroq Mbappe Fransiya termasida o‘ynashdan bosh tortgani xabar qilingandi. U Dide Desham bilan kelishmovchilikka borgani taxmin qilinmoqda.
.jpg "X factor uzbekistan")
.png "YouTube UZREPORT TV")
