Isroil havo kuchlari Bayrut janubiga 6 marta zarba berdi

Isroil harbiy-havo kuchlari Bayrutning janubiy chekkasidagi Daxiya tumaniga oltita zarba berdi.

Livanning NNA axborot agentligi xabariga ko‘ra, Livan poytaxtining janubiy qismida Livan Hizbulloh harakatining tayanch nuqtasi sifatida tanilgan Dahiya tumani Isroil samolyotlari tomonidan zarbaga uchragan.

Qayd etilishicha, Al-Gubeyri hududidagi obyektga 3 marta zarba berilgan, Hureyk hududidagi bino ham nishonga olingan.

Guvohlarning Anadolu nashriga aytishicha, Isroilning Dahiya hududiga qilgan hujumlari nihoyatda shafqatsiz bo'lib, mintaqadagi binolarga jiddiy zarar yetkazgan.

Halok bo‘lganlar yoki yaradorlar haqida hech narsa ma’lum qilinmagan.

Ertalab Isroil armiyasi Al-Gubayri va Hurayk hududlaridagi oltita binoni evakuatsiya qilishni talab qiluvchi ogohlantirish berdi.

Isroil-Livan chegarasida Isroil armiyasi va Hizbulloh o‘rtasida nazorat ostidagi to‘qnashuvlar 2023-yil 8-oktabrdan beri davom etmoqda.

2024-yil 23-sentabrda Isroil havo kuchlari Livan janubidagi shaharlar, shuningdek, Bekaa vodiysi va Baalbek shahriga yuzlab zarbalar berdi.

Livan Sogʻliqni saqlash vazirligi maʼlumotlariga koʻra, 2023-yil 8-oktabrdan beri jami 3287 kishi, jumladan, 203 nafar bola va 644 nafar ayol vafot etgan. Yana 14222 nafar mamlakat aholisi jarohatlangan.

Isroil armiyasining 27-sentabr kuni Bayrutga bergan zarbasi natijasida “Hizbulloh” harakati bosh kotibi Hasan Nasrulloh halok bo‘ldi.